Plantun de Prouvènço

Pèr coumpara dos planto d'encò nostre

Loeflingia hispanica & Jacobaea vulgaris

Loeflingia hispanica

Caryophyllaceae

Nom en français : Loeflingie d'Espagne.

Descripcioun :
Es uno pichoto planto di proun ramificado e glandulouso, que trachis dins li sablo séusouso de l'en-dedins. Li fueio, póupouso, soun en long emé d'estipulo sóudado. Li flour, di petalo blanco, soun mistoulino e se vèson gaire. La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Loeflingia
Famiho : Caryophyllaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 2,5 à 3,5 mm
Flourido : Printèms

Sòu : Si (Ca)
Autour basso e auto : 0 à 400 m
Aparado : Noun
Abriéu à jun

Liò : Sablo
Estànci : Mesoumediterran
Couroulougi : Estenoumediterrano
Ref. sc. : Loeflingia hispanica L., 1753

Erbo-de-sant-Jaume

Jacobaea vulgaris

Asteraceae Compositae

Autre noum : Erbo-de-sant-Jaques.

Nom en français : Séneçon jacobée.

Descripcioun :
Planto pulèu grando que trachis, au nostre, dins li prado de basso mountagno. Fai uno enflourejado en pinceloun. Coumpara emé lou seniçoun-di-fueio-de-rouqueto forço coumun e qu'a de bratèio escartado, o emé l'erbo-de-sant-Jaume-bastardo que rèsto en plano e flouris mai tardié.

Usanço :
L'erbo-de-sant-Jaume es uno planto empouisounanto que caup d'alcalouïdo pirolizidinico proun marrit pèr lou fege. En generau li bèsti l'esbrouton pas que recounèisson soun óudour. Lou dangié èi pulèu dins lou fen qu'aqui perd soun óudour, mai pas lis alcalouïdo. Lou mai estounant èi qu'èro utilisa pèr sougna li mau d'estoumac di chivau (sant-Jaume).

Port : Grando erbo
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Jacobaea
Famiho : Asteraceae
Famiho classico : Compositae
Tribu : Senecioneae

Coulour de la flour : Jauno
Petalo : >6
Ø (o loungour) enflourejado : 15 à 25 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Basso mountagno - Prado umido
Estànci : Mesoumediterran à Mountagnard
Couroulougi : Paleoutemperado
Ref. sc. : Jacobaea vulgaris Gaertn., 1791 (= Senecio jacobaea L., 1755 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Loeflingia hispanica & Jacobaea vulgaris

ges

Coumpara Loeflingìo emé uno autro planto

Coumpara Erbo-de-sant-Jaume emé uno autro planto